Double L

噚日講到老闆 Double L，其實呢個名係我改嘅。Double L 即係有兩個 L，第一個係 Low Ability（低能）而另一個係 Low Sense（低B）！

同一個 term 解一次就明而且又記得用返出嚟嘅係聰明人；要解二次先明嘅都可以叫做醒目仔；解到第三次就真係一般咗小小，有啲不能接受；而要解四次或以上嘅，除咗用低能嚟形容之外，我實在諗唔到更好嘅詞語！有幾句說話我最近經常聽到．．．
「你 brief 一下我」（已經白紙黑字寫得好清楚，１＋１＝２，仲有咩好 brief 呢？！）
「你解解被我聽」（前兩日先解咗一次，又解！）
「你咁講我咪明囉」（不過過幾日又問過！）

已經半年，我開始習慣每件事都要解釋幾次，仲要用好溫柔嘅語氣去講，一定唔可以動氣。以前我會覺自己唔適合教書，但係宜家應該可以喇！