難過的日子

今日仙姐繼續放假未返，我有啲懷疑佢係唔係有咗。而施主任又因為佢個女嘅唔知咩野，一早請咗假，所以今日 office 好靜。

兩個 team leader 都唔喺到，Double L 為有轉移目標，搵阿 Ken。雖然阿 Ken 係仙姐嘅馬仔，但係唔代表佢會知道所有野，可以幫到佢幾多我都唔太清楚．．．祝佢好運。

至於我就因為最近出咗啲野被各大衙門，要求佢地幫手做啲 testing，結果我個電話就不停咁響。之前講過，我唔適合教書，因為 EQ 低，就算被 Double L train 咗半年，其實進步不多，宜家又要答衙門啲人嘅電話，真係想死！而且相信呢個只係開始，下星期將會進入接電話嘅高峰期．．．如果唔係個 AM 走咗，我諗我嘅日子會過得好啲。