搵工、續約

睇完個 staff plan 之後，我一口氣 send 咗６封 application letters 出去，以示我嘅不滿！

唔知點解，我覺得越嚟越少工啱自己，我開始懷疑自己係唔係已經 out 咗！

早幾日同隔離山寨個 contractor 傾開，佢五月完約，但係宜家都未同佢傾續唔續。雖然個 staff plan 無話 replace 佢個位，不過就提都無提，所以都係凶多吉少！佢話出面唔多好景，特別係我地呢啲唔上唔落，人工又高嘅所謂中層。我好同意佢嘅講法，所以今次呢６個 applications 我都俾咗個 discount，希望騎牛搵馬。

講開呢個 contractor，佢比較唔好彩，同我同 grade，早我幾個月入嚟，但人工就低幾個％，因為我入職時已經過咗 annual review。佢上年加完都只係我加之前個數，即係永遠都遲我一年，都唔好話唔慘！